दाङ, ७ जेठ ।
रुकुम (पश्चिम)को आठबिसकोट नगरपालिकामा ट्याक्टर दुर्घटना हुँदा पाँच जना घाइते भएका छन । वडा नम्बर तिन झारमारे नजिकै बसेरामा ना ६ त ३१३९ नम्बरको ट्याक्टर विहिवार बिहान साढे १० बजेतिर दुर्घटना हुँदा पाँच जना घाइते भएको प्रहरीले बताएको छ ।
घाइते मध्ये तिन जनाको अवस्था गम्भिर छ भने अन्य सामान्य घाइते भएका इलाका प्रहरी कार्यालय आबविसकोटका इन्चार्ज प्रहरी निरिक्षक अच्युतराज आचार्यले जानकारी दिएका छन् । उनका अनुसार घाइते मध्ये वडा नम्बर ३ का २० वर्षीय सुकर विक, सोही वडाका ४० वर्षीय धन बहादुर विक र ४२ वर्षीय रण बहादुर परियारको अवस्था गम्भिर छ । यस्तै वडा नम्बर ११ सिमबजारका १६ वर्षीय सहचालक सञ्जु विक, वडा नम्बर तिनका राजु रसाइली सामान्य घाइते भएका छन ।
घाइते भएकाहरुलाई उपचारका लागी आठविसकोट नगर अस्पतालमा ल्याउने तयारी भैरहेको प्रहरी निरिक्षक आचार्यले जानकारी दिए । वडा नम्बर ९ राडीबाट खाद्यान्न लिएर जाँदै गरेको ट्याक्टर दुर्घटना भएको प्रहरीले बताएको छ ।
