खकेन्द्र केसी,
बैशाख २६, सल्यान । स्थानीय तहको निर्वाचनका लागि सल्यानमा प्रचारको क्रममा घाइते बनेका एक जना उम्मेद्वारको मृत्यु भएको छ । आइतबार राती लडेर सख्त घाइते भएका कुमाखमालिका गाउँपालिका नेपाली काग्रेसका वडा नम्बर १ का खुलातर्फका सदस्यका उम्मेदवार दल वहादुर रानाको मृत्यु भएको हो ।
राती १० बजे सम्म गाउकै टाट्केमा मतदातासंग भेटघाट गरिरहेका उनी छिमेकीको घरको बार्दलीबाट खस्दा बस्तुभाउ बाँध्ने किलामा परेका थिए । घाइते रानाको उपचारको क्रममा भारतको लखनउमा मृत्यु थियो । लडेर सख्त घाइते भए पछि उनलाई उपचारको लागि लखनउ लगिएको थियोे ।
प्रकाशित मिति : २०७४ बैशाख २६ गते मङ्गलवार
