दाङ,१५ मंसीर । प्युठान जिल्लाको ऐरावती गाउँपालिका वडा नम्वर १ र २ को मतपरिणाम सार्वजनिक भएको छ । जिल्ला निर्वाचन कार्यालय प्युठानका अनुसार वडा नम्वर १ मा नेपाल कम्युनिष्ट पार्टी (नेकपा)का उम्मेदवार दोर्ण प्रसाद पाण्डे विजयी भएका छन् । शनिवार भएको उपनिर्वाचनमा १ हजार ३ सय १७ मत खसेकोमा नेकपाका पाण्डेले ६ सय ९६ मत प्राप्त गरी निर्वाचित भएका छन् । उनका प्रतिद्धन्द्धी नेपाली काग्रेसका उम्मेदवार अमर बहादुर रेश्मीले छ सय ८७ मत प्राप्त गरेका थिए । यस्तै वडा नम्वर २ मा स्वतन्त्र उम्मेदवार भिमेश कुमार घर्ति मगर निर्वाचित भएका छन् । उनले ८ सय ५५ मत प्राप्त गरी वडा अध्यक्षमा निर्वाचित भएको निर्वाचन कार्यालयले बताएको छ । उनका प्रतिद्धन्द्धी राष्टिय जनमोर्चाका उम्मेदवार भक्त बहादुर विश्वकर्माले ५ सय ४ र नेपाली काग्रेसका उम्मेदवार भुपाल जिसीले ३ सय ५६ मत प्राप्त गरेका थिए ।
