दाङ, १४ मंसीर । निर्वाचन आयोगले ढुक्क भएर मतदानमा सहभागि हुन मतदाताहरुलाई आग्रह गरिरहेको अवस्थामा कास्की निर्वाचन क्षेत्र नम्वर २ मा प्रतिनिधिसभाका लागी मतदान भइरहेको बेला वम विस्फोट भएको छ । पोखराको नयाँबजारको नवप्रभात माध्यमिक विद्यालयमा रहेको मतदानस्थलनजिकै बम विस्फोट भएको प्रहरीले बताएको छ । जिल्ला प्रहरी कार्यालय कास्कीले मतदानस्थल नजिकै बम विस्फोट भए पनि कुनै मानविय क्षति नभएको बताएको छ । वम विस्फोट कसले गराएको हो भन्ने विषयमा थप अनुसन्धान भईरहेको प्रहरीले बताएको छ । मतदान स्थल नजिकै बम विस्फोट भएपछि स्थानियहरु भने त्रसित भएको बताईएको छ ।
प्रकाशित मिति : २०७६ मङ्सिर १४ गते शनिवार
