कास्की, ३ फागुन । पोखरा भ्रमण वर्ष २०२५ को उद्घाटनका क्रममा आगोको ज्वालाले बेलुन फुट्दा उपप्रधान एवम् अर्थमन्त्री विष्णुप्रसाद पौडेल र पोखरा महानगरपालिकाका मेयर धनराज आचार्य घाइते हुनुभएको छ । रिमोटबाट दीप प्रज्वलनपछि बेलुन उडाउने क्रममा आगोको ज्वालाले बेलुनमा टिपेपछि ठूलो आवाजसहित बेलुन पड्किएको थियो । बेलुन पड्किएपछि महानगरका मेयर आचार्यको गालामा आगोको झिल्काले छोएको थियो भने अर्थमन्त्री पौडेलको कोटमा आगोको छिर्का लागेको थियो ।
मेयर आचार्यलाई उपचारका लागि फिस्टेल हस्पिटल लगिएको थियो । अर्थमन्त्री पौडेललाई पनि उपचारका लागि गण्डकी मेडिकल कलेज शिक्षण अस्पताल लगिएको र उहाँहरुलाई सामान्य चोट लागेको बताइएको छ । दुबैजनालाई थप उपचारका लागी हेलिकप्टरमार्फत काठमाडौं लगिदै छ ।।
प्रकाशित मिति : २०८१ फाल्गुन ३ गते शनिवार
