दाङ,३ असोज । दाङमा मोटरसाइकल दुर्घटनामा हुँदा २ जनाको मृत्यु भएको छ । मृत्यु हुनेमा घोराही उपमहानगरपालिका–१८ का २७ वर्षीय श्रवण पुन र घोराही–४ का २१ वर्षीय विनोद केसी रहेको जिल्ला प्रहरी कार्यालय दाङका प्रमुख एवम् प्रहरी उपरीक्षक रामबहादुर केसीले जानकारी दिनुभयो ।
आज बिहान दाङको घोराही–लमही सडक खण्डअन्तर्गत लमही नगरपालिका–६ को कुसुमगैरा भन्ने ठाउँमा रा ८ प २९४० नम्बरको मोटरसाइकल दुर्घटना भएको थियो । दुर्घटनामा घाइते भएका दुवै जनाको उपचारको क्रममा लमही अस्पतालमा मृत्यु भएको प्रहरीले जनाएको छ ।
प्रकाशित मिति : २०८१ असोज ३ गते बिहिवार
