काठमाण्डौं, २२ भदौ । अहिले देशभरको मौसम आंशिकदेखि साधारणतया बदली रहेको छ । बाग्मती, गण्डकी र कर्णाली प्रदेशका थोरै ठाउँमा हल्का वर्षा भइरहेको छ । आज दिउँसो पनि मौसम बदली नै रहने र कोशी, बाग्मती, गण्डकी, कर्णाली र सुदूरपश्चिम प्रदेशका केही ठाउँ तथा बाँकी मधेश र लुम्बिनी प्रदेशका थोरै ठाउँमा मेघगर्जन चट्याङसहित हल्कादेखि मध्यम वर्षाको सम्भावना छ ।
दिउँसो बाग्मती, गण्डकी, लुम्बिनी, कर्णाली र सुदूरपश्चिम प्रदेशका पहाडी एक–दुई ठाउँमा ठूलो पानी पर्न सक्ने अनुमान छ । आज राति पनि देशभर आंशिकदेखि साधारणतया बदली नै रहनेछ । बाग्मती र कर्णाली प्रदेशका एक–दुई ठाउँमा ठूलो पानी पर्न सक्ने मौसम पूर्वानुमान महाशाखाले जनाएको छ ।।
प्रकाशित मिति : २०८१ भाद्र २२ गते शनिवार
