दाङ, फागुन ३० । सर्वसाधारणलाई ठगी आरोपमा सल्यान प्रहरीले तीन ब्यक्ति पक्राउ परेका छन् । जिल्लाको बनगाड कुपिन्डे नगरपालिका– ९ सेराका २४ बर्षीय गणेश बुढाथोकी, बाँकेको बैजनाथ गाउँपालिका – ४ का ५० बर्षीय होमबहादुर शाह र ४६ बर्षीय राधासिंह ठकुरीलाई पक्राउ गरिएको प्रहरीले जनाएको छ ।
उनीहरुलाई सल्यानको बनगाड – ९ मेरा भन्ने ठाउँमा बहुमूल्य धातु रातो मकर्री हो भन्दै सर्वसाधारणलाई ठगी गर्दै हिडेको गोप्य सूचनाका आधारमा फागुन २७ गते पक्राउ गरिएको प्रहरीले जनाएको छ । पक्राउ परेकाहरु बिरुद्ध सात दिने म्याद थप भएको जिल्ला प्रहरी प्रबक्ता प्रहरी निरीक्षक अर्जुन पौडेलले जानकारी दिए ।
प्रकाशित मिति : २०७८ फाल्गुन ३० गते सोमवार
