लक्ष्मण विश्वकर्मा,तुलसीपुर ११ भदौ । दाङमा वितेको तिन वर्षमा प्रहरीले १ सय ७७ जना जुवाडे लाई पक्राउ गरेको छ । दाङका विभिन्न क्षेत्रबाट विभिन्न समयमा उनीहरुलाई नगद सहित पक्राउ गरिएको जिल्ला प्रहरी कार्यालय दाङले जनाएको छ । कार्यालयका अनुसार वर्ष ०७१÷०७२ मा ८ जना जुवाडेलाई नगद ६४ हजार ५ सय २० सहित पक्राउ गरेको छ ।
त्यस्तैगरी आर्थिक वर्ष ०७२÷०७३ मा ६४ जनालाई नगद १ लाख ८२ हजार ४ सय ५० र आर्थिक बर्ष ०७३÷०७४ मा एक महिला सहित १ सय ४ जनालाई नगद ११ लाख ७२ हजार ३ सय ८५ सहित पक्राउ गरेको जिल्ला प्रहरी कार्यालय दाङका मुद्धा फाटका प्रहरी नायव निरीक्षक निर्मल खत्रीले जानकारी दिनु भएको छ ।
यसरी तिन वर्षमा पक्राउ परेकाहरुको साथमा जम्मा १४ लाख १६ हजार ३ सय ५५ रुपैया रकम बरामद गरीएको उहाले जानकारी दिनु भएको छ । पक्राउ परेकाहरु लाई जूवा ऐन सम्वन्धि मुद्दा चलाएर कारर्वाही गरिएको प्रहरीले बताएको छ ।।
