तुलसीपुर,२३ साउन । पत्रकार तुलसीराम वलीका बुवा माथि खुकुरी प्रहार भएको छ । तुलसीपुर १९ बाँसगढी निवासी ५० बर्षिय बिरुबहादुर वलीलाई सोही वडाको स्यालापानी बस्ने धनबहादुर वलीले खुकुरी प्रहार गरेका हुन ।
आज सोमबार अपरान्ह ५ बजे तिर बिजौरी बजार बसिरहेको समयमा एक्कासी खुकुरी प्रहार भएको घाइते वलीले बताएका छन । वलीलाई बिजौरीको अस्थाई प्रहरी पोष्ट अगाडी नै खुकुरी प्रहार भएपनि घटना हुँदा त्यहाँ प्रहरी भने थिएन ।
खुकुरी प्रहारमा संलग्न धनबहादुरलाई प्रहरीले नियन्त्रणमा लिएको छ । घाइते वलीलाई बिजौरीमा प्राथमिक उपचार पछि राप्ती अञ्चल अस्पताल तुलसीपुरमा ल्याइएको उनका छोरा पत्रकार तुलसीराम वलीले बताए ।
घाँटीमा ताकेर हानेको खुँकुरी आफूले छलेकाले बाँच्न सकेको घाइते वलीले बताए । वलीको ढाड, हात र पाखुरामा चोट लागेको छ ।
प्रकाशित मिति : २०७४ साउन २३ गते सोमवार
