काठमाडौं,२१ साउन । भरतपुर महानगरपालिका वडा नं १९ को मतगणना सकिएको छ । १९ को गणना सकिँदा यहाँ एमाले प्रमुखका उम्मेदवारकै अग्रता कायम छ । पछिल्लो मत परिणाममा नेकपा एमालेका प्रमुख पदका उम्मेदवार देवी ज्ञवालीले ४१ हजार ९४६ मतका साथ अग्रता यथावत राखेका छन् भने उनलाई नेकपा ९ माओवादी केन्द्र० की रेणु दाहालले ४१ हजार ७ सय २५ मतका साथ पछ्याइरहेकी छन् ।
अब देवी र रेणुबीचको मतान्तर २२१ छ । राप्रपाका बद्री तिमिल्सिनाले छ हजार ६२८ मत पाएका छन् । त्यसैगरी उपप्रमुखमा कांग्रेसकी पार्वती शाहले ४५ हजार ६२३, एमालेकी दिव्या शर्मा आचार्यले ३८ हजार ६०४ र राप्रपाकी रिना गुरुङले ७ हजार ६ मत पाएकी छन् । भरतपुर–१९ मा हिजो मात्रै पुनः मतदान भएको थियो । अब भरतपुर–२० को गणना हुन बाँकी छ ।
प्रकाशित मिति : २०७४ साउन २१ गते शनिवार
