शरद रेग्मी, तुलसीपुर २० साउन । रोटरी क्लव अफ तुलसीपुर सिटिको मासिक वुलेटिनका एक कार्यक्रमका बिच विमोचन गरिएको छ । क्लबको ४ सय ३२ औ वैठकमा एक कार्यक्रमको आयोजना गरि क्लवले गरेका बिभिन्न गतिविधिहरु समेटिएको वुलेटिन विमोचन गरिएको हो ।
क्लबका अध्यक्ष तुफानवावु श्रेष्ठको अध्यक्षता तथा उच्च अदालत तुलसीपुरका रजिष्टार अच्युत कुईकेलको प्रमुख आतित्थ्यतामा कार्यक्रम भएको थियो । कार्यक्रममा बोल्दै कुईकेलले अदालतले गर्ने काम कार्वाहिहरु जनताले वुझने गरि बाहिर आउनुपर्नेमा जोड दिनुभयो । उहाँले पछिल्लो अवधिमा अदालतमा गरिने कार्यहरु प्रविधिका कारण छिटो र छरितो भएको समेत बताउनुभयो ।
वैठकको गेष्ट स्पीकरका रुपमा बैठकमा आउनु भएको रजिष्टार कुईकेलले उच्च अदालतले मुद्धाहरुलाई छिटो भन्दा छिटो सम्पादन गर्ने गरि कार्य गरिरहेको बताउनु भयो । उहाँले दुर दराजमा रहेका मानिसहरुको सेवामा लाग्न क्लवलाई सुझाव समेत दिनुभयो ।
कार्यक्रममा क्लवका पुर्व अध्यक्षहरु अनुप कुमार श्रेष्ठ ,विमल रिजाल ,बिजय केसी , ललित घर्ति , धर्मेन्द्र वैश्य लगाएतकाले क्लबले वुलेटिन प्रकाशन गरेको प्रति प्रंशासा गर्नु भएको थियो । कार्यक्रममा उपाध्यक्ष शिव श्रेष्ठले स्वागत तथा कोषाध्यक्ष बिनिल केसीले. गेष्ट स्पीकरको परिचय गराउनु भएको थियो। कार्यक्रमको संचालन क्लवका महासचिव हेमन्त डाँगिले गर्नु भएको थियो ।
यसैविच रोटरी क्लव अफ तुलसीपुर सिटिका अध्यक्ष तुफान वावु श्रेष्ठले आफनी छोरी सुप्रिया श्रेष्ठको जन्म दिनमा संकलन भएको रुपैया गरिव बिद्यार्थिहरुलाई सहयोग गर्ने भन्दै क्लवमा जम्मा गर्नु भएको छ । क्लबका अध्यक्ष श्रेष्ठकी छोरीको जन्म दिन समेत सोहि कार्यक्रममा मनाईएको थियो ।
सो अवसरमा संकलन भएको दक्षिणा बाफतको १२ हजार २ सय ५१ रुपैया सोहि कार्यक्रममा कोषाध्यक्ष बिनील केसीलाई हस्तान्तरण गरिएको थियो ।
