तुलसीपुर,३ साउन ।
दाङमा सवारी दुर्घटनामा परि एक बालिकाको ज्यान गएकोे छ । पश्चिम बाघमारेबाट तुलसीपुर आउदै गरेको भे १ च १८६० नम्बरको जिपले बा ३६ प ५२६४ नम्बरको मोटरसाईकललाई आज शान्तिनगर २ अमुवामा पछाडिबाट ठक्कर दिदा बबई ३ हंशपुरकी ८ बर्षिया प्रतिक्षा विकको ज्यान गएको हो ।
दुर्घटनामा परि गम्भिर घाईते बालिकाको राप्ती अञ्चल अस्पताल तुलसीपुरमा उपचारका क्रममा मृत्यु भएको ईलाका प्रहरी कार्यालय तुलसीपुरले जानकारी दिएको छ । ठक्कर दिने जिप र चालकलाई प्रहरीले नियन्त्रणमा लिएको ईलाका प्रहरी कार्यालय तुलसीपुरका प्रमुख डिएसपी लोकनाथ तिम्सिनाले जानकारी दिनु भएको छ ।
प्रकाशित मिति : २०७४ साउन ३ गते मङ्गलवार
