भोट खसाल्न पुरुष भन्दा महिला धेरै गए

ओपेन्द्र बस्नेत
तुलसीपुर, १४ असाढ / जनप्रतिनीति छनौटका लागि दाङमा भएको दोस्रो तहको निर्वाचनमा पुरुष भन्दा महिलाको सहभागिता बढी देखिएको छ । विभिन्न काम विशेषले युवा पुस्ता बाहिर तथा विदेशमा भएकाले महिलाको संख्या बढी देखिएको मुख्य निर्वाचन अधिकृत चुरामन खड्काले जानकारी दिए । उनका अनुसार सवै मतदान केन्द्रमा महिलाहरुको सहभागिता उल्लेख्य रहेको थियो । दाङमा खसेको २ लाख १८ हजार ३ सय ३९ कुल मत मध्य एक लाख १९ हजार ६ सय ५६ जना महिला र ९८ हजार ६ सय ८२ पुरुषले मतदान गरेका छन् । त्यसैगरी २ जना तेस्रो लिङ्गी मध्य एक जनलो मतदान गरेको बताइएको छ । ७ गाउँपालिका, २ उपमहानरपालिका र एक नगरपालिका रहेको दाङमा २ लाख ९१ हजार १ सय ७५ मतदाता संख्या रहेको थियो ।
एक सय ५१ मतदान स्थल रहेको दाङमा ३ सय ५१ मतदान केन्द्र रहेका थिए । विहान ७ बजे देखि पाँच बजे सम्म मतदान गर्ने कार्यकतालीका रहेपनि मतदाताहरु विहान ६ बजे नै मतदान केन्द्रमा आइपुगेका थिए । ठूलो उत्साह सहित आफना जनप्रतिनीधि छनौटका लागि भोट हाल्न आएका मतदाताहरु करिब २० बर्ष पछि आफनै गाउँको उमेदवार छान्न पाउँदा खुशि देखिन्थे ।
शान्ति पुर्ण रुपमा सम्पन्न
दाङमा स्थानीय तहको निर्वाचनमा ७४. ९९ प्रतिशत मत खसेको छ । ३ सय ५१ वटा मतदान केन्द्रमा शान्तिपुर्ण तवरले मतदान कार्य सम्पन्न भएको जिल्ला प्रहरी कार्यालय दाङले जनाएको छ । निर्वाचन शान्तिपुर्ण र अनुसाशित तवरले सम्पन्न भएको दाङका प्रहरी प्रमुख धिरजप्रताप सिंहले जानकारी दिए । यद्यपी स्थानीय तहको निर्वाचनको खारेजीको माग गर्दै आएको विप्लव समुहको नेपाल कम्युनिष्ट पार्टीले भने दुइ मतदान केन्द्र नजिकमा दुई वटा सुतली बम विष्पोट गराएको प्रहरीले बताएको छ । मतदातालाई तर्साउन तुलसीपुर उपमहानगरपालिका ८ को अश्वारा मतदान केन्द्र नजिकै रहेको अश्वारा सामुदायिक वनको जंगल र ३ नम्बर वडको अम्बास मतदान केन्द्र नजिकै रहेको जंगलमा बम विष्पोट गराएको प्रहरीले बताएको छ । दाङका विकट ठाउँमा रहेका मतदान केन्द्रबाट बिबरण आउँन समय लाग्ने भएकाले जम्मा खसेको मतको जानकारी गराउन नसकिएको मुख्य निर्वाचन अधिकृत खड्काले बताए ।

कहाँ कति मत खस्यो हेर्नुहोस

सि.नं.	न.पा/गा.पा	सुरु समय	खसेको मतको संख्या					कै
			महिला	पुरुष	ते.ली.	जम्मा	कूल मतदाता
१	घोराही उपमहानगरपालिका	बिहान ०७.०० देखि बेलुका ०५:०० बजेसम्म	३२८४६	२५६९३	०	५८५३९	७८४२८	74.64
२	राप्ती गाउपालिका		९३९०	८१०४	०	१७४९४	२२९०५	76.38
३	दंगिशरण गाउपालिका		५५७१	४४७१	०	१००४२	१३४२४	74.81
४	बबई गाउपालिका		६५१७	५३९१	०	११९०८	१६०८७	74.02
५	राजपुर गाउपालिका		३८४७	४१९८	०	८०४५	१०४२३	77.19
६	शान्तिनगर गाउपालिका		६५४०	५०३३	०	११५७३	१५६०१	74.18
७	बंगलाचुली गाउपालिका		४६५९	३६४६	०	८३०५	११४०७	72.81
८	गढवा गाउपालिका		८२३७	७६०४	०	१५८४१	२१०७१	75.18
९	लमही नगरपालिका		१००८८	९१३६	१	१९२२५	२४९३६	77.10
१०	तुल्सिपुर उपमहानगरपालिका		३१९६१	२५४०६	०	५७३६७	७६८९३	74.61
जम्मा संख्या			११९६५६	९८६८२	१	२१८३३९	२९११७५	७४.९९