मिना बुढाथोकी
असार २, सल्यान । सल्यानमा आज गाडिको ठक्करबाट एक बालकको मृत्यु भएको छ । ढोरचौर गाउपालिका १ मोख्लामा भे १ च १५४१ नं को गाडिको ठक्कर बाट ७ वर्षीय बालक गोपाल बुढाथोकीको मृत्यु भएको सल्यानका डिएसपि श्याम बहादुर खत्रीले जानकारी दिनु भयो ।
बालकको घटनास्थलमा नै ज्यान गएको बताइृएको छ । गाडिले बालकलाई ठक्कर दिएपछि चालक भागेको र स्थानियवासीले गाडि तोडफोड गर्दै आगलागी गरेको र उचित क्षतिपुर्तिको माग सहित बाटो बन्द गरेको खबर प्राप्त भएको छ । घटनास्थलमा तनाव बढेपछि अहिले थप प्रहरी पठाइएको डिएसपि खत्रीले बताउनु भयो । यसैबिच सल्यानमा आज भएको मोटर साईकल दुर्घटमा परि २ जना घाईते भएका छन ।
शारदा नगरपालिका २ जोगिदेउ खोला नजिक भएको मोटर साईकल दुर्घटनामा परि ठेगाना न खुलेका ४५ वर्षका दीपक वली र विरेन्द्र खड्का गम्भीर घाईते भएको प्रहरीले जनाएको छ । वलीलाई टाउकोमा र खड्कालाई टाउको र छातीमा चोट लागेको बताइृएको छ । घाईते दुवै जनालाई प्राथमिक उपचार पछि थप उपचारका लागी नेपालगन्ज रिफर गरिएको छ । रा ३ प २४६३ नम्बरको मोटर साईकल र भे ४ प ५७१८ नम्बरको मोटर साईकल एक आपसमा ठोक्किदा दुबै जना घाईते भएका हुन । घटना को बारे थप जानकारी आउन बांकीनै छ ।
