तुलसीपुर,२७ जेठ । तुलसीपुरका व्यापारी राजकुमार श्रेष्ठ बेपत्ता भएका छन् । शुक्रबार बेलुका देखि श्रेष्ठ बेपत्ता भएको इलाका प्रहरी कार्यालय तुलसीपुरका प्रमुख डीएसपी लोकनाथ तिम्सिनाले जानकारी दिनुभएको छ । श्रेष्ठकी श्रीमतीले आज बिहान ६ बजे श्रीमान सम्पर्क बिहिन भएको प्रहरीलाई जानकारी गराएको उहाँले जानकारी दिनुभयो । श्रेष्ठ शुक्रबार रोटरी क्लब तुलसीपुरको बैठकमा सहभागी भएका श्रेष्ठ घर नफर्केर बेपत्ता भएको भएको प्रहरीले जनाएको छ ।
बेपत्ता भएका श्रेष्ठकि श्रीमतीलाई उधृत गर्दै डीएसपी तिम्सिनाले भन्नुभयो,साँझघरमा आउँछु , ढोका बन्द नगर्नु भन्नुभएको थियोे । तर,उहाँ आउनुभएन । मोबाइल अफ छ । श्रेष्ठ सवार बा १२ च १०७१ नम्बरको गाडी सल्यानको रिममा फेला परेको छ । गाडी फेला परेको स्थानमा दाङको प्रहरी टोलि परिचालन गरिएको छ भने सल्यानको प्रहरी पनि त्यहाँ पुगेको छ ।
व्यापारी श्रेष्ठ आफै बेपत्ता भएका हुन या कसैले अपहरण गरेका हुन् भन्ने बारेमा अनुसन्धान भइरहेको प्रहरीले जनाएको छ । उनले तुलसीपुर बजारमा बुटवल बस्त्रालय सञ्चालन गर्दै आएका छन् । यस अघि तुलसीपुरकै जग्गा व्यापारी रत्न वली बेपत्ता भएर मृत अवस्थामा भेटिएका थिए । अहिले तुलसीपुरका अन्य ब्यापारीहरु त्रसित भएका छन ।
