तुलसीपु, ३ जेठ
मोटरसाईकलको स्वरुप परिवर्तन गरेर चलाउने ५ जना पक्राउ गरेको जिल्ला प्रहरी कार्यालय दाङले जनाएको छ । मोटरसाइकलको सिट उठाएर अक्लो बनाउने, साइलेन्सर पाईपको जाली झिकेर आवाज पट्काउने, तीन जना सम्म राखेर चलाउने जस्ता गतिविधी गरेको आरोपमा ५ जना सहित २९ वटा मोटरसाईकल नियन्त्रयानमा लिएको जिल्ला प्रहरी कार्यालय दाङका प्रमुख एसपी धिरजप्रताप सिंहले जानकारी दिए । नियन्त्रणमा लिएका व्यक्ति र मोटरसाइकलका विषयमा अनुन्धान भइरहेको प्रहरीले बताएको छ । अपराध नियन्त्रण अभियान अन्तरगत घोराहिका विभिन्न स्थानमा सुरक्षा चेकजाँचमा खटेको विशेष प्रहरी टोलीले पक्राउ गरेको हो ।
प्रकाशित मिति : २०७४ जेष्ठ ३ गते बुधवार
