तुलसीपुर,१८ बैशाख ।
आज मे दिवश १२८ औं अन्तराष्ट्रिय मजदुर दिवस नेपालमा पनि विभिन्न कार्यक्रम गरी मनाईदै छ । विभिन्न राजनैतिक दलसँग आवद्ध मजदुर संगठनहरुले विभिन्न कार्यक्रमहरु गरी मे दिवश मनाउन लागेका हुन । यता दाङमा पनि विभिन्न सँघसस्थाहरुले पनि दिवश मनाउदै छन ।
८ घण्टा काम , ८ घण्टा आराम र ८ घण्टा मनोरञ्जनको समयको माग गर्दै अमेरिकाको सिकागो शहर र युरोपका मजदुरहरुले गरेको संघर्षको स्मरण गर्दै आज मे १ तरिखका दिन विश्वभर अन्तराष्ट्रिय मजदुर दिवश मनाउने गरिन्छ । मजदुरहरुले निकै ठुलो संघर्ष गरेर अधिकार प्राप्त गरेको दिनको स्मरण स्वरुप अन्तराष्ट्रिय मजदुर दिवश हरेक साल मनाउने गरिन्छ ।
सन् १८९० देखि यो दिवश विश्वभर मनाउन थालिएको हो । नेपालमा १९६३ देखि मजदुर दिवश मनाउन थालिएको हो भने वि सं २०६४ सालबाट मात्र अधिकारीक रुपमा मजदुर दिवशको दिन विदा दिन शुरु गरिएको हो ।।
