राप्रपाको आमसभा आज तुलसीपुरमा हुदै, सम्बोधन गर्न को – को आउदैछन (हेर्नुहोस)

तुलसीपुर,५ बैशाख ।
राप्रपाका अध्यक्ष एवं सरकारका उप–प्रधानमन्त्री कमल थापा आज दाङ आउदै हुनुहुन्छ । आज तुलसीपुरमा आयोजना गरिएको पार्टीको अञ्चल स्तरीय आम सभालाई सम्वोधन गर्न उहा तुलसीपुर आउन लाग्नुभएको हो । कार्यक्रमलाई सम्वोधन गर्न अध्यक्ष थापा सहित पूर्व अध्यक्ष पशुपति समशेर जवरा, पुर्व प्रधानमन्त्री लोकेन्द्र बहादुर चन्द,सहमहामन्त्री मनोज प्रधान,पुर्वमन्त्री प्रेम बहादुर भण्डारी,केन्द्रीय सदस्यद्धय कोमल वली र रेखा थापा पनि दाङ आउन लागेको राप्रपा दाङका अध्यक्ष क्षेत्रबहादुर बस्नेतले जानकारी दिनुभयो ।

सभा तुलसीपुरको ख लाईन बाहिनि चोकमा हुने उहाले बताउनुभएको छ । सभामा उपस्थितिको लािग अध्यक्ष बस्नेतले सवैमा आग्रह गर्नुभएको छ । यसैविच सभाको सम्पुर्ण तयारी पुरा भएको जनाईएको छ । दिउसो १२ बजे सभा हुने छ । राप्रपाले देशका १४ वटा साविक अञ्चल अन्र्तगत यस्ता चुनावी सभा गर्ने जानकारी दिएको छ ।।