तुलसीपुर १८ चैत्र
भाउजुलाई गोली हानेर हत्या गर्ने एक युवक पेस्तोल सहित दाङमा पक्राउ परेका छन् । पक्राउ पर्नेमा घोराही उपमहानगरपालीका १७ निबासी २९ बर्षका विक्रम थापा रहेको जिल्ला प्रहरी कार्यालय दाङले जनाएको छ ।
११ मंसिर २०७३ मा साविक त्रिपुर नगरपालीका ७ बडहरा हाल घोराही उपमहानगर पालीका १२ निबासी आफनै सहोदर भाउजु पुर्णा थापालाई घरमा बसीरहेको समयमा गोली हानी हत्या गरेर भागेका थिए । प्रहरीको विशेष टोलीले युवकलाई लुकीछिपी बस्दै आएको अवस्थामा ९एमएम पेस्तोल र ४ थान गोली सहित पक्राउ गरेको दाङका प्रहरीप्रमुख धिरजप्रताप सिंहले जानकारी दिए ।पक्राउ परेका युवकलाई कर्तव्य ज्यान सम्बन्धि मुद्दा चलाइएको छ ।
प्रकाशित मिति : २०७३ चैत्र १८ गते शुक्रवार
