तुलसीपुर, २५ जेठ । पूर्व पश्चिम राजमार्ग अन्तरगत दाङको राप्तीगाउपालिका वडा नं. ५ सिसहिनया नजिकै दोलहीखोला आज बिहान सवा ६ वजेतिर भएको बस दुर्घटनामा परि एक भारतिय बालिकाको ज्यान गएको छ । घटनामा ३१ जना घाइते भएका छन् ।घाईते मध्ये १५ जनाको अवस्था गम्भीर रहेको वडा प्रहरी कार्यालय लमहीले जनाएको छ ।
मृत्यु हुनेमा भारत उत्तर प्रदेश लखिनपुरका ५ वर्षकी बालिका नुरवी नाई रहेको वडा प्रहरी कार्यालय लमहीमा प्रहरी निरक्षक अरुण कुमार सिंहले जानकारी दिनुभयो । यो समाचार तयार पार्दा सम्म मृकतका वुवा बाहेक अन्य सबैको घाईतेहरुको थप उपचारका लागि कोहलपुर र नेपालगञ्ज रिफर गरिएको छ ।
जनकपुरबाट नेपालगन्जका लागि छुटेको ना ५ ख १८२९ न को यात्रुबाहक बस दुर्घटना भएको हो । बस तिब्र गतिमा रहेको र चालक निदाएकोले बस भएको हुन सक्ने प्रहरीले प्रारम्भिक अनुमान गरेको जनाएको छ ।
प्रकाशित मिति : २०७५ जेष्ठ २५ गते शुक्रवार
