मिना बुढाथोकी, सल्यान २४ जेठ ।
सल्यानमा एक प्रहरी हवल्दार मृत अवस्थामा फेला परेका छन् । जिल्लाको शारदा नगरपालिका –५ श्रीचौर भन्ने स्थानमा प्रहरी हवल्दार अन्दाजी ३४ वर्षका रमेश थापा बुधवार मृत अवस्थामा भेटिएको जिल्ला प्रहरी कार्यालय सल्यानले जनाएको छ ।
नारायण नगरपालिका –८ दैलेख घर भई हाल ईलाका प्रहरी कार्यालय मैनापोखर बर्दियामा कार्यरत प्रहरी हवल्दार थापा सल्यानमा ससुराली आएको बेला मृत अवस्थामा भेटिएको प्रहरीले जनायो । मृतक थापाको आज बिहिवार जिल्ला अस्पतालमा पोष्टमार्टम भएको प्रहरी प्रमुख डिएसपि भरत बहादुर विकले जनाएका छन् । घटनाको थप अनुसन्धान भई रहेको उनले बताएका छन् ।
प्रकाशित मिति : २०७५ जेष्ठ २४ गते बिहिवार
