तुलसीपुर, २३ जेठ । तुलसीपुरमा आजबाट फेरी अर्को बैंक सन्चालनमा आएको छ । कामना सेवा विकास बैंक लिमिटेडको ५१ औ शाखाको रुपमा तुलसीपुरको विपिचोक स्थित बैंकको तुलसीपुर शाखा एक कार्यक्रमको आयोजना गरी उद्घाटन गरीएको हो ।
बैंकको उद्घाटन तुलसीपुर उपमहानगरपालिकाका नगरप्रमुख घनश्याम पाण्डेले गरेका थिए । बैंकको उद्घाटन गदै नगरप्रमुख घनश्याम पाण्डेले नाफामुखी भन्दा पनि सेवा मुखीको भावनाका साथ सेवा प्रवाह गर्न सुझाव दिएका छन् ।
साथै उनले बैंक खुल्ने क्रम बढ्दै गएकाले प्रभावकारी रुपमा सेवा प्रवाह गर्न आग्रह समेत गरेका छन् ।
बैंक सन्चालक भिमप्रसाद तुलाचनको अध्यक्षतामा भएको कार्यक्रममा तुलसीपुर उद्योग वाणिज्य संघका अध्यक्ष विर बहादुर रावत , निबर्तमान अध्यक्ष विमल रिजाल लगाएतले बोलेका थिए । कार्यक्रमको सहजीकरण बैंकका सहायक महाप्रबन्धक टुकराज बास्तोलाले गरेका थिए । बैंकबाट विभिन्न सेवाहरु प्रदान गरीने बताइएको छ ।
