तुलसीपुर,२१ जेठ ।
अवैध लागुऔषध अफिम सहित दाङमा ३ जना पक्राउ गरेका छन । घोराही उप महानगरपालिका वडा नं. १५ मा अफिमको कारोबार भईरहेको सुचनाको आधारमा ५ नं. प्रदेश अनुसन्धान समुह र जिल्ला प्रहरी कार्यालयबाट खटि गएको प्रहरी टोलीले उनिहरुलाई पक्राउ गरेको हो ।
पक्राउ पर्नेमा रोल्पा पाछावाङ ७ घर भई हाल घोराही उपमहानगरपालिका वडा नं.१२ बस्ने बर्ष ३१ का शक्तिराम वली, रुकुम भुमे गाउँपालिका वडा नं. ८ बस्ने बर्ष २७ का एलन कुमार रोका मगर र भुमे गाउँपालिका वडा नं.६ बस्ने बर्ष २८ का देव बहादुर ओली रहेको प्रहरीले जनाएको छ ।
उनिहरुको साथ बाट ५ केजी २ सय ग्राम अफिम बरामद गरिएको हो । यसबारेमा थप आवश्यक अनुसन्धान भईरहेको जिल्ला प्रहरी कार्यालय दाङले जनाएको छ ।
फोटो : सागर थापा
प्रकाशित मिति : २०७५ जेष्ठ २१ गते सोमवार
