तुलसीपुर , २ जेठ ।
सल्यानको शारदा नगरपालिका वडा नं. १ पटनेरी भन्ने स्थानमा आज विहान ११ वजेतिर दुई वटा बस एक आपसमा ठोकीदा ४० जना यात्रु घाईते भएका छन् । घाईते मध्ये ५ जनालाई थप उपचारको लागी नेपालगन्ज रिफर गरीएको जिल्ला प्रहरी कार्यालय सल्यानले जनाएको छ ।
घाईते हुनेहरुमा कुमाख गाउपालिका वडा नम्वर ३ बस्ने १२ वर्षिय सन्तोष थापा,शारदा नगरपालिका १ श्रीनगर बस्ने २१ बर्षिय हरी रोका, वडा नं. १३ बस्ने २७ वर्षिय गणेश बहादुर विक, सिता केसी र कपुुरकोट गाउपालिका वडा नं. ६ बस्ने ४० वर्षिया भुमिसरा खड्का रहेको जिल्ला प्रहरी कार्यालय सल्यानका डिएसपि भरत बहादुर विकले जानकारी दिएका छन् ।
अन्य यात्रुहरु भने सामान्य घाईते भएकोले स्थानिय मेडिकलमा उपचार भईरहेको प्रहरीले जनाएको छ ।
सल्यानको श्रीनगरबाट खलंगा तर्फ जाँदै गरेको ना ५ ख ७७५० नम्बरको बस र खलंगाबाट श्रीनगरतर्फ आउदैँ गरेको ना ६ ख २५०५ नम्बरको बस एक आपसमा ठोकिदा उक्त दुर्घटना भएको प्रहरीले जनाएको छ ।
