तुलसीपुर ३० बैशाख ।
तुलसीपुर नगर जेसिज उत्कृष्ठ भएको छ । अप्रिल महिना भरि गरेका कामहरुको आधारमा नेपाल जेसिजले तुलसीपुर नजर जेसिजलाई उत्कृष्ठ छनौट गरेको हो । अप्रिल महिना भरि गरेका बिभिन्न सामाजिक, संस्कृतिक, उत्प्रेरणादायी कामको आधारमा ‘एरिया डि’ अन्तरगत नवलपराासी देखि पश्चिम सम्मका ४३ वटा शाखा मध्य तुलसीपुर नगर जेसिज उत्कृष्ठ हुन सफल भएको अध्यक्ष दिपेश भण्डारीले बताए ।
जेसिजले गरेको गरिब तथा बिपन्नलाई झुल वितरण, जेसिज ईन द क्लास रुम, चमेरे गुफा जाने सडक निर्माण गर्न पहलगायतका कार्यले गर्दा उत्कृष्ठ हुन सफल भएको पूर्ब अध्यक्ष सुर्य शर्माले बताए । यसैबीच तुलसीपुर नगर जेसिजका अध्यक्ष दिपेश भण्डारीले जेसिजलाई उत्कृष्ठ बनाउन सहयोग गर्ने सबैप्रति आभार ब्यक्त गरे । उत्कृष्ठ भएको तुलसीपुर जेसिजलाई भर्खरै घोराहीमा भएको क्षेत्रीय भेलामा सम्मान पत्र प्रदान गरिएको थियो ।
साथै नेपाल जेसिजका हरेक गतिबिधिमा सक्रिय सहभागिता जनाएको भन्दै सम्मान तथा पुरस्कृत पनि गरेको थियो ।घोराहीमा भएको क्षेत्रीय भेलामा भएको बक्तृत्वकला प्रतियोगितामा तुलसीपुर नगरजेसिजका सदस्य कमल प्रकास शर्मा तृतिय स्थान हाँसिल गर्न सफल भएका थिए ।
तुलसीपुर नगर जेसिजले तुलसीपुर क्षेत्रमा हुने हरेक सामाजिक कार्यको अगुवाई गर्दै आएको छ । हरेक सामाजिक कार्यमा जेसिजले सहभागिता जनाउँदै आएकाले जेसिजको कार्यप्रति सबैले प्रशंसा पनि गर्ने गरेका छन् ।
