सुमन वली,तुलसीपुर १६ बैशाख ।
स्वास्थ्यका लागी खेलकुद, राष्टका लागी खेलकुद भन्ने नाराका साथ तुलसीपुर वडा नं. २ को आयोजनामा प्रथम वडा स्तरिय खेलकुद प्रतियोगिता आज देखी माबि बालापुरमा सुरु भएको छ । वडा अध्यक्ष राजु आचार्यको अध्यक्षतामा भएको प्रतियोगिताको उद्घाटन तुलसीपुर उपमहानगरपालिका नगरप्रमुख घनश्याम पाण्डेले गरेका हुन् ।
प्रतियोगिताको उद्घाटन गदै नगरप्रमुख पाण्डेले तुलसीपुर उपमहानगरलाई खेलको माध्यमबाट परिचित बनाउने अभियानमा आफुहरु लागेको बताएका छन् । मानसीक, सारीरीक र बौद्धिकताका हिसावले १९ वटै वडामा खेलकुदको आयोजना गरी नगरलाई खेलको माध्यमबाट चिनाउने बताएका हुन् ।
सो अवसरमा पुर्व नगरप्रमुख शंकर प्रसाद आचार्य,तुलसीपुर उपमहानगरपालिकाका खेल संयोजक अमर नेपाली,नगर शिक्षा समितिका संयोजक देवराज विश्वकर्मा,मावि बालापुरका विद्यालय व्यवस्थापन समितिका अध्यक्ष भिम बहादुर वली लगाएतले बोलेका थिए ।
खेल संयोजक राजकुमार केसीको स्वागत मन्तव्यबाट सुरु भएको कार्यक्रमको सहजीकरण सन्चारकर्मी समुन वलीले गरेका थिए । प्रतियोगिता मंगलवार सम्म सन्चालन हुने आयोजकले बताएको छ । यसैविच आज भएको उद्घाटन खेलमा भलिवल तर्फ एकता टोल विकास संस्था घोरबन्डा र मनिकापुर टोल विकास संस्था विजयी भएका छन ।
