तुलसीपुर,१६ बैशाख ।
चुनावी हारको समिक्षा गर्न जारी नेपाली कांग्रेस केन्द्रीय कार्यसमितिको बैठक आज सकिदै छ । चुनावी हारको जिम्मेवारी कसले लिने भन्ने बिषयमा हिजो बैठक बस्ने तय भएपनि विवाद सृजना भएपछि बैठक आज बोलाइएको हो ।
पार्टी सभापति शेरबहादुर देउवा र वरिष्ठ नेता रामचन्द्र पौडेल पक्षबीच हिजो दिनभर भएको सहमतिको प्रयास असफल भएपछि बैठक बस्दै नबसी स्थगित भएको थियो । बैठक आज विहान ११ बजे बस्नेछ । आजको बैठकमा महामन्त्री शशांक कोइरालाले चुनावी समिक्षा र आगामी कार्यक्रमसहित लिखित प्रस्ताव पेश गर्ने र सभापति शेरबहादुर देउवाले बोलेर चुनावी समिक्षा बैठक सक्ने तयारी रहेको प्रवक्ता विश्वप्रकाश शर्माले जानकारी दिनुभयो ।
प्रकाशित मिति : २०७५ बैशाख १६ गते आइतवार
