तुलसीपुर,१३ बैशाख ।
नेपाल नेत्रज्योती संघ दाङ शाखा नेपालकै उत्कृष्ट शाखाको रुपमा सम्मानित भएको छ । राप्तीमा अन्धोपन निवारणमा महत्वपुर्ण भुमिका खेलेको भन्दै सम्मानित गरिएको हो । सँघको २५औ केन्द्रीय सभाको अवसरमा ५० हजार रुपैया पुरस्कार सहित कदर पत्रले सम्मान गरेको जनाईएको छ ।
दाङ शाखा अध्यक्ष कृष्ण कुमार गिरी लगायतका पदाधिकारी लाई पुर्व प्रधानमन्त्री एंव माओवादी केन्द्रका अध्यक्ष पुष्पकमल दाहाल प्रचण्डले सम्मान गरेका हुन । कार्यक्रममा सम्मान ग्रहण गर्दै अध्यक्ष गिरीले हाल सम्म गरेका क्रियाकलाप र आखा अस्पतालका भावि गतिविधि बारे प्रकाश पारेका थिए ।
शाखाका सचिब सुरेन्द्र खड्काले बार्षिक प्रतिवेदन समेत सभामा प्रस्तुत गरेको सुचना अधिकारी बालाराम खड्काले जानकारी दिए ।
प्रकाशित मिति : २०७५ बैशाख १३ गते बिहिवार
