सिन्धुपाल्चोक,७ बैशाख ।
मेलम्ची नगरपालिका वडा नम्बर १३ मा रहेको फड्केश्वरमा पानीमा डुबेर एक बालकको ज्यान गएको छ । मृत्यु हुनेमा भोजपुर घर भएका कृष्ण तामाङका ११ वर्षिय छोरा कर्साङ तामाङ रहेको इलाका प्रहरी कार्यलय मेलम्चीले जनाएको छ । क्रसरले खनेको कुलोको पानीमा डुबेर मृत्यु भएको भन्दै मृतकका आफन्तले क्षतिपूर्तीको माग राख्दै क्रसर घेराउ गरेका छन् ।
इलाका प्रहरी कार्यलय मेलम्चीले भने साथीहरुसँग इन्द्रावती नदीमा पौडी खेल्न जाने बेलामा खेतमा लगेको कुलामा डुबेको उनको मृत्यु भएको जानकारी दिएको छ । तामाङ मेलम्ची नगरपालिका १२ गिरानचौर मामाघरमा औँसी मनाउन आएका थिए ।
प्रकाशित मिति : २०७५ बैशाख ७ गते शुक्रवार
