दाङ, ६ बैशाख
रोल्पा जिल्लाको सुकिदह गाउपालिका ४ तिखेचुला बस्ने नरसिंह थापालाई आफ्नै ज्वाइले हत्या गरेको खुल्न आएको छ ।मृतक थापाका ज्वाँई सुकिदह ४ मा बस्ने दिपेन्द्र वलिले बन्चरो प्रहार गरि ०७४ चैत्र ३० गते हत्या गरेको कुरा खुलासा भएको छ ।
मृत थापा छोरिज्वाइको घरमा गत चैत्र ३० गते भेटघाट गर्न गएको मौका छोपेर छोरिको सासू ,जेठाजु र आफ्नै ज्वाइँ मिलेर हत्या गरेको छोरी कल्पना थापा ( वलि) ले प्रहरी चौकिलाइ जानकारी दिएकि छिन । सङ्काकै भरमा श्रीमतीको हत्या गर्ने मनसाय बनाएका दिपेन्द्रले पटक पटक श्रीमतीको हत्याको प्रयास गरेको उनले बताएकी छिन् ।
दिपेन्द्रले श्रीमतीको हत्याको प्रयास गरेता पनि कतिपय अवस्थामा मृतक थापाले छोरीलाई बचाएकै कारण उनी असफल भएको बताइएको छ ।अभियुक्त दिपेन्द्र वलिलाइ कर्तव्य ज्यान सम्बन्धि मुर्ता दर्ता गरी हिरासतमा राखिएको जिल्ला प्रहरी कार्यालय रोल्पाले जनाएको छ ।।
