बिराटनगर ।
धरानका धर्मगुरु श्रीनिवास आचार्यमाथी विराटनगरमा अज्ञात समुहले गोली प्रहार गरेको छ । विराटनगर १४ रानी स्थित रामजानकी मन्दीरमा आज देखि सुरु हुने सप्ताह पुराणमा प्रवचन दिन आउनुभएका आचार्यलाई आज राती करीब पौने २ बजे अज्ञात समुहले गोली प्रहार गरेको हो ।
आचार्यको दाहिने कुमको माथिल्लो भागमा गोली लागेको छ । आचार्यको विराटनगरस्थित न्यूरो अस्पतालमा उपचार भइरहेको छ । मन्दिर परिषरमै बसेका आचार्यलाई आदिवासी मंगोल विरोधी र अति हिन्दुवादी प्रवचन दिएको भन्दै गोली हानिएको उल्लेख गरिएको पर्चा फेला परेको मोरङका प्रहरी प्रमुख एसपी अरुणकुमार विसीले जानकारी दिनुभयो । अपराधिको खोजी कार्यभइरहेको उहाले जानकारी दिनुभयो ।
प्रकाशित मिति : २०७४ चैत्र २५ गते आइतवार
