रुपन्देही, चैत २३।
रुपन्देहीमा ४० लाख रुपैयाँसहित दुईजना पक्राउ परेका छन् । श्रोत नखुलेको ४० लाख रुपैयाँसहित रुपन्देही प्रहरीले सिद्धार्थनगरका धनबन्तकुमार अग्रवाल र दिपककुमार मल्लिकलाई पक्राउ गरेको हाे ।
उनीहरुलाई नेपाल भारत सिमा क्षेत्र बेलहियाबाट लु २२ प ३८७१ नम्बरको स्कुटीमा भैरहवा अाउँदै गरेका बेला प्रहरीले पक्राउ गरेको हो । मल्लिकले चलाएको स्कुटी भित्र ४० लाख ३८ हजार रुपैयाँ र एसबीआई बैङकको ३० हजारको चेक प्रहरीले बरामद गरेको छ ।
पक्राउ परेका मल्लिक र अग्रवाललाई प्रहरीले पैसासहित सम्पती सुद्धिकरण अनुसन्धान विभागमा पठाएको रुपन्देहीका प्रहरी प्रवक्ता डिल्लीनारायण पाण्डेले जानकारी दिनुभयो ।
प्रकाशित मिति : २०७४ चैत्र २३ गते शुक्रवार
