तुलसीपुर, १४ चैत्र
दुर्लभ वन्यजन्तु चितुवाको छाला सहित दाङमा एक जना पक्राउ परेका छन् । पक्राउ पर्नेमा प्युठानको प्युठान नगरापलिका –५ घर भई हाल दाङको घोराही उपमहानगरपालिका –१७ चौघेरामा डेरा गरी बस्ने बर्ष २० का सुनिल सुनार रहेको जिल्ला प्रहरी कार्यालय दाङका प्रहरी उपरीक्षक दुर्गा सिंहले जानकारी दिएकी छन् । प्रहरीले सुनारको साथबाट एक थान छाला र ८ थान, दाँत(दारा) बरामद गरेको छ । दुर्लभ वन्यजन्तु चितुवाको छालाको कारोबार भइरहेको भन्ने सूचनाका आधारमा गएको प्रहरीले सुनार मंगलबार साँझ उनलाई पक्राउ गरेको हो । घटनाका सम्बन्धमा थप अनुसन्धान भइरहेको प्रहरीले बताएको छ ।
प्रकाशित मिति : २०७४ चैत्र १४ गते बुधवार
