काठमाडौं, ८ चैत ।
चैतको अन्तिम साता प्रधानमन्त्री केपी ओलीले भारतको राजकीय भारत गर्ने भएका छन् । उच्च स्रोतका अनुसार प्रधानमन्त्री ओलीले चैत २३ देखि २५ गते तीनदिनसम्म भारतको भ्रमण गर्नेछन् । नेपाल र भारतीय पक्षबीच भएको कुटनीतिक पहलबाट ओलीको पहिलो भ्रमण भारतबाट हुन लागेको हो । ओलीले पनि आफ्नो पहिलो विदेश भ्रमणका लागि भारतलाई रोजेका छन् ।
स्रोतका अनुसार नेपाल र भात पक्षले छिट्टै प्रधानमन्त्री ओलीको भ्रमणको मिति घोषणा गर्ने जनाइएको छ । प्रधानमन्त्री ओलीको भ्रमणका लागि भारतले चैत २४ देखि २६ सम्मका लागि प्रस्ताव गरेको थियोे । नेपालले एक दिन पहिला हुने जवाफ पठाएको स्रोतको दाबी छ । प्रधानमन्त्री ओलीले यसअघि ०७२ साल फागुन ७ देखि ११ गतेसम्म भारतको भ्रमण गरेका थिए ।
नाकाबन्दीका कारण भारतसँग विग्रिएको सम्बन्धका बेला भएको भ्रमणबाट धेरै उपलब्धि हुन नसकेको टिप्पणी हुँदै आएको थियो ।
